Athari za uzito ulio kithiri

Uzito uliozidi au unene uliokithiri una uhusiano mkubwa na

magonjwa sugu yasiyoambukizwa. Unene uliokithiri unachangia kwa kiwango

kikubwa kupata magonjwa sugu yasiyoambukizwa kama kisukari, magonjwa ya

moyo, shinikizo kubwa la damu na hata saratani. Unene unachangia katika kuzuia

mwili kutumia sukari kwa ufanisi; pia husababisha kuongezeka kwa mafuta

mwilini ambayo huweza kujikusanya kwenye mishipa ya damu na kufanya damu

isipite kwa urahisi hali ambayo husababisha msukumo mkubwa wa damu. Wakati

mwingine hali hii huweza kusababisha damu isifike kwa kiasi cha kutosha katika

viungo kama moyo, ubongo, misuli n.k. na kuweza kusababisha magonjwa ya

moyo kama moyo kushindwa kufanya kazi kabisa (heart failure) au moyo kukosa

damu ya kutosha (ischemic heart disease).